Óskemende órtengen páterden 2 adam qutqaryldy
ÓSKEMEN. QazAqparat – Óskemen qalasynda órtengen páterden 2 adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 15 aqpanda Mendeleev kóshesinde ornalasqan úshqabatty turǵyn úıdegi páterlerdiń birinde órt shyqqan.
«Oqıǵa ornyna kelgen órt sóndirýshiler tútin tumshalaǵan bólmeden 57 jastaǵy er adam men 92 jastaǵy keıýanany birden syrtqa alyp shyqty. Ekeýi apattar medıtsınasy ortalyǵynyń dárigerlerine tapsyryldy. Medıtsına qyzmetkerleri turǵyndardy tekserip, olardyń ómirine eshqandaı qaýip joqtyǵyn aıtty», - delingen habarlamada.
Kóp uzamaı 1 sharshy metrdi quraǵan tilsiz jaý aýyzdyqtaldy. Anyqtalǵandaı, órttiń shyǵýyna – otpen abaısyz áreket etý sebep bolǵan.
