Óskemende órtengen monsha ishinen er adamnyń máıiti tabyldy
ÓSKEMEN. QazAqparat – Óskemen qalasynda monsha órtenip, bir adam qaza boldy, dep habarlaıdy QazAqparat.
Qalalyq Tótenshe jaǵdaılar basqarmasy baspasóz qyzmetiniń habarlaýynsha, 16 aqpan kúni saǵat 17.00 shamasynda Kojedýba kóshesindegi jeke turǵyn úıdiń monshasynda órt shyqqan.
«Qyzyl jalyndy aýyzdyqtaýǵa tórt tehnıka jumyldyryldy. Jalyn sharpyǵan aýmaq 18 sharshy metrdi quraǵan. Órt sóndirýshiler monsha ishinen 1976 jylǵy er adamnyń máıitin tapty. Al syrtqa shyǵyp úlgergen 1981 jylǵy áıeldiń beti kúıip qalǵan. Ol birden oblystyq mamandandyrylǵan medıtsınalyq ortalyqqa jetkizildi», - delingen vedomstvo málimetinde.
