Óskemende órtengen kópqabatty úıden 60-tan astam adam evakýatsııalandy
ÓSKEMEN. QazAqparat – Óskemen qalasynda órt shyqqan kópqabatty turǵyn úıden 60-tan astam adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 27 qarasha kúni saǵat 14.22-de Tıhaıa kóshesinde ornalasqan toǵyzqabatty turǵyn úı podezindegi lıft shahtasynda qoqys órtengen. Kók tútin 5 pen 9 qabattar arasyn tumshalap aldy. Oqıǵa ornyna jyldam jetken qutqarýshylar 62 adamdy qaýipsiz jerge kóshirgen. Zardap shekkender joq.
«Jalyn sharpyǵan aýmaq 2 sharshy metrdi qurady. Órttiń shyǵý sebebi anyqtalyp jatyr», - dep habarlady vedomstvo ókilderi.
Sonymen qatar búgin saǵat 15.22 shamasynda Klıýchevaıa kóshesindegi garajdy jalyn sharpyǵan. Órt sóndirýshiler 32 sharshy metrge jaıylǵan otty aýyzdyqtady.
