Óskemende órtengen kópqabatty úıden 10 adam qutqaryldy
ÓSKEMEN. QazAqparat - Óskemen qalasynda órtengen kópqabatty úıden 10 adam qutqarylyp, 12 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, órt 8 qazanda túngi saǵat 01.22-de Sátbaev kóshesindegi besqabatty turǵyn úıde shyqqan.
- Tórtinshi qabattaǵy páterde jıhaz, tereze blogy men lınoleým jandy. Oqıǵa ornyna shuǵyl kelip jetken órt sóndirýshiler 10 adamdy, onyń ishinde 3 balany qutqaryp, tútin tumshalaǵan podezden 12 turǵyndy evakýatsııalady. Kóp uzamaı jalpy aýdany 8 sharshy metrdi quraǵan tilsiz jaý tolyqtaı aýyzdyqtaldy, - dep habarlady vedomstvo ókilderi.
Qyzyl jalynnyń shyǵýyna - otty abaısyz qoldaný sebep bolýy múmkin.
