Óskemende órtengen bes qabatty úıden 10 adam qutqaryldy
ÓSKEMEN. QazAqparat – Óskemen qalasynda bes qabatty turǵyn úıden órt shyǵyp, 10 adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 29 qańtarda saǵat 02:36-da Qabanbaı batyr kóshesinde ornalasqan bes qabatty turǵyn úıdiń birinshi qabatyndaǵy páterde órt shyqqan. Órt sóndirýshiler kelip jetkende jeke zattar men jıhazdy jalyn sharpyp jatqan. Qutqarýshylar turǵyndardy evakýatsııalaýǵa kirisken.
«Arnaıy satynyń kómegimen 9 adam qutqaryldy. Sondaı-aq 6 adam, onyń ishinde 5 bala syrtqa shyǵaryldy. Órt shyqqan páterdiń 67 jastaǵy ıesiniń denesin kúıik shalǵan. Qazir er adam aýrýhanaǵa jatqyzyldy. Al onyń 74 jastaǵy kórshisine ıis tıgen. Dárigerler tekserýinen keıin áıel úıine jiberildi», - dep habarlady vedomstvo ókilderi.
Jalpy 15 sharshy metr aýmaqty sharpyǵan tilsiz jaý saǵat 03:31-de sóndirildi. Ony sóndirýge jeke quramnan 19 mamany men 5 tehnıkasy jumyldyryldy.
Qazirgi málimet boıynsha órttiń shyǵýyna – órt qaýipsizdigi talaptaryn saqtamaýdan nemese bólmede temeki shegý sebepshi bolýy múmkin.
