Óskemende ortalyq bazar aldyndaǵy dúńgirshekterdiń jumysyna tyıym salynbaq
ÓSKEMEN. QazAqparat – Óskemen qalasynda ortalyq bazar aldyndaǵy dúńgirshekterdiń jumysyna tyıym salynady, dep habarlaıdy QazAqparat tilshisi.
Qala ákimdiginiń málimetine súıensek, bıyl Qazaqstan kóshesin keshendi abattandyrý jospary bekitilgen. Sonyń aıasynda kósheni birqatar ózgeris kútip tur.
«Kólik jáne tramvaı joldary jóndelip, jıektastar aýystyrylyp, ótpeli trotýarlar retke keltiriledi. Ortalyq bazardaǵy jaıaý júrginshiler aımaǵy abattandyrylyp, jyly aıaldama kesheni ornatylady», - deıdi shahar basshysy Jaqsylyq Omar.
Onyń aıtýynsha, ortalyq bazar aldyndaǵy dúńgirshekterdiń jumysyna tyıym salynady. Sebebi olar taýarlarymen joldy jaýyp, turǵyndarǵa kedergi keltirýde. Sondyqtan olar bazardyń ishinde ornalasatyn bolady.
