Óskemende órt sóndirýshiler otqa oranǵan úıden áıeldi alyp shyqty
ÓSKEMEN. QazAqparat – Óskemen qalasynda órt sóndirýshiler otqa oranǵan úıden áıel adamdy alyp shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 9 qazan kúni órt sóndirýshiler Kamchatka kóshesindegi jalyn sharpyǵan jer úıge attanǵan. Oqıǵa ornyna jetken kezde olarǵa úı ıesi ishte qyzynyń qalyp qalǵanyn aıtady.
«Qutqarýshylar birden órtengen úıge kirip, áıel adamdy alyp shyqty. Apattar medıtsınasy ortalyǵynyń qyzmetkerleri 1984 jylǵy turǵynǵa alǵashqy medıtsınalyq kómek kórsetti. Sálden soń jedel járdem qyzmetkerleri ony aýrýhanaǵa jetkizdi», - dep habarlady vedomstvo ókilderi.
Órt sóndirýshiler jalpy aýdany 100 sharshy metrge jetken tilsiz jaýdy aýyzdyqtaǵan. Aldyn ala málimetter boıynsha jalynnyń shyǵý sebebi – elektr jabdyqtaryn paıdalaný kezinde órt qaýipsizdigi erejelerin saqtamaýdan bolýy múmkin. Órtti óshirýge 15 adam men 3 avtotsısterna tartylǵan.
