Óskemende órt sóndirýshiler otqa oranǵan úıden 3 gaz ballonyn shyǵaryp úlgerdi
ÓSKEMEN.QazAqparat - Óskemende bir táýlikte eki órt oqıǵasy boldy, dep habarlaıdy «QazAqparat» HAA qalanyń TJ basqarmasyna silteme jasap.
Birinshi órt Levoberejnaıa kóshesinde ornalasqan jer úıdiń aýlasynda bolyp, garajdyń aǵash bólikteri, qurylys vagony, «Ýral» mototsıklynyń bólshekteri órtengen. Úı ıeleri úılerinde bolmaı, órt jaıly kórshileri habarlaǵan. Órt sóndirý mashınalaryna úıge jetý qıyndyq týǵyzdy. Olar taý joly oıly-qyrly ári buralań bolǵandyqtan, oqıǵa ornyna 40 mınýttan artyq ýaqytta jetti. Tilsiz jaý aýyzdyqtalyp, órt sóndirýshiler úıdiń ishinen úsh gaz ballonyn alyp shyǵyp úlgerdi, zardap shekkender joq. Órtengen jerdiń jarpy aýmaǵy 100 sharshy metr.
Órttiń oryn alý saldary anyqtalyp jatyr.
Ekinshi órt qala ortalyǵyndaǵy Táýelsizdiń dańǵylynda boldy: jataqhananyń 5-inshi qabatyndaǵy baspaldaq alańynda ornalasqan balkon esiginiń aǵash jaqtaýlary órtendi. Jalyn 0,5 sharshy metr aýmaqty sharpydy.
