Óskemende órt shyqqan kópqabatty úıden 55 adam qutqaryldy
ÓSKEMEN. QazAqparat – Óskemen qalasynda órt shyqqan kópqabatty úıden 55 adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 16.23-te Sátbaev dańǵylynda ornalasqan 10 qabatty turǵyn úıde órt shyqqan. Oqıǵa ornyna shuǵyl jetken qutqarýshylar ekinshi qabattaǵy páterdiń tóbesi, jeke zattar men jıhaz janyp jatqanyn kórdi.
«Olar 55 adamǵa, onyń ishinde 18 balaǵa ottegi maskasyn kıgizip, avtosaty arqyly qutqardy. Olar jyly «Vahta» kóligine ornalastyryldy. Páter ıesiniń 7 jasar qyzy kúıgen aazyq túlikti jep ýlaný belgilerimen aýrýhanaǵa jetkizilgen», - delingen aqparatta.
Kóp uzamaı jalpy aýdany 35 sharshy metrdi quraǵan tilsiz jaý tolyqtaı aýyzdyqtaldy. Órtti sóndirýge jeke quramnan 38 adam men 12 tehnıka jumyldyrylǵan. Jalynnyń shyǵý sebebi anyqtalýda.
