Óskemende órt shyqqan kópqabatty úıden 12 adam qutqaryldy
ÓSKEMEN. QazAqparat – Óskemen qalasynda órt shyqqan kópqabatty úıden 12 adam, onyń ishinde 4 bala qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Qaısenov kóshesindegi kópqabatty turǵyn úıde órt shyqqan. Oqıǵa ornyna qutqarýshylar shuǵyl kelip jetti. Anyqtalǵandaı, ot podez ishinde 3 jáne 4-qabattardaǵy elektreseptegishte shyqqan.
«Órt sóndirýshiler oqıǵa ornynan 36 adamdy, onyń ishinde 8 balany evakýatsııalady. Sondaı-aq tútin tumshalaǵan podezden 12 adam qutqarylǵan. Kóp uzamaı 4 sharshy metrdi sharpyǵan tilsiz jaý aýyzdyqtaldy. Órttiń shyǵý sebebi – elektr jabdyqtarynyń apattyq rejımde jumys isteýinen. Qyzyl jalyndy óshirýge jeke quramnan 23 adam men 7 tehnıka jumyldyryldy», - dep habarlady vedomstvo ókilderi.
