Óskemende órt shyqqan kópqabatty úıden 12 adam evakýatsııalandy
ÓSKEMEN. QazAqparat – Óskemen qalasynda órt shyqqan úshqabatty turǵyn úıden 3 adam qutqarylyp, 12 adam evakýatsııalandy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Grıboedov kóshesindegi úshqabatty turǵyn úıde órt shyqqan. Oqıǵa ornyna qutqarýshylar shuǵyl jetti.
«Birinshi kezekte 3 turǵyn qutqaryldy. Olardy ottegi maskasynyń kómegimen qatty tútindengen kireberisten alyp shyqty. Sonymen qatar taǵy 12 adam evakýatsııalandy, onyń 4-ýi bala», - delingen habarlamada.
Tilsiz jaýdyń jalpy aýdany – 6 sharshy metrdi qurady. Belgili bolǵandaı, birinshi qabattaǵy páterde dıvan janǵan. Aldyn ala málimet boıynsha qyzyl jalynnyń shyǵýyna - otpen abaısyz áreket etý sebep bolýy múmkin.
Osy rette TJD mamandary órt bolǵan jaǵdaıda birden «101» nómirine habarlasý qajettigin eskertedi.
«Tynys alý organdaryn dymqyl shúberekpen jaýyp, tútindengen ǵımarattan shyǵýǵa tyrysyńyz» deıdi mamandar.
