Óskemende órt sharpyǵan páterden er adam qutqaryldy
SEMEI. QazAqparat – Óskemen qalasynda órtengen páterden 1979 jylǵy er adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Sevastopolskaıa kóshesindegi kópqabatty turǵyn úıdiń úshinshi qabatynda órt shyqqan. Kýágerler birden órt sóndirýshilerge habar berdi.
«Oqıǵa ornyna kelip jetken qutqarýshylar páterge úsh ıindi baspaldaqpen kóterildi. Zalda jıhaz jáne jeke zattardy qyzyl jalyn sharpyǵan. Qutqarýshylar jalpy aýdany 7 sharshy metrdi sharpyǵan órtti óshirdi. Jatyn bólmeden órt sóndirýshiler 1979 jylǵy er adamdy taýyp, syrtqa alyp shyqqan. Órt bolǵan jerden ony jedel járdem qyzmetkerleri birinshi qalalyq aýrýhananyń jansaqtaý bólimine jetkizdi», - delingen habarlamada.
Órttiń shyǵýyna otty abaısyz paıdalaný sebep boldy. Naqty aıtqanda, sóndirilmegen temeki tuqylynan dıvan janǵan.
