Óskemende onkolog-mamandar apta boıy tegin qabyldaý ótkizedi
7 sáýirde atalyp ótiletin Dúnıejúzilik densaýlyq kúnine oraı óńir boıynsha «Densaýlyq aptalyǵy» bastaldy. 4-8 sáýiri aralyǵynda ShQO Kópsalaly onkologııa jáne hırýrgııa ortalyǵynda turǵyndar esh aqysyz qarala alady. Ol úshin aldyn ala jazylý jáne dáriger joldamasy qajet emes.
«Qabyldaýdy onkologııalyq dıspanserdiń joǵary bilikti dárigerleri, atap aıtqanda, onkolog, abdomınaldy jáne torakaldy hırýrgtar, mammolog, ýrolog, gınekolog-mamandar júrgizedi. Nıet bildirýshiler saǵat 14:00-den bastap 17:00-ge deıin kele alady», - delingen ortalyqtyń baspasóz qyzmeti taratqan aqparatta.
Aıta keteıik, medıtsınalyq mekemeniń mekenjaıy Óskemen qalasy, Potanın kóshesi, 6, 1-korpýs. Qandaı da bir suraqtar bolsa 8(7232) 48-91-51, 8 778 003-78-45 telefon nómirlerine habarlasýǵa bolady.