Óskemende ónerkásip aýmaǵynda aǵash japyraqtarynyń sarǵaıýyna baılanysty ekologter tekserý júrgizbek
ÓSKEMEN. KAZINFORM — Óskemen qalasyndaǵy ónerkásiptik kásiporyndar aýmaǵynda aǵash japyraqtarynyń sarǵaıýyna qatysty turǵyndardan túsken shaǵymdardan keıin tekserý jumystary bastaldy.
Ekologterdiń dereginshe, mundaı jaǵdaı qalada birneshe jyl buryn da tirkelgen. Oǵan kásiporyndardyń birindegi aýaǵa taraǵan shyǵaryndylar sebep bolǵan.
— Osyndaı jaǵdaı 2021 jyldyń mamyr aıynda boldy. Sol kezde júrgizilgen tekserý nátıjesinde kásiporyndardyń birinde «Kaztsınk» metallýrgııalyq keshenindegi Lavalin gazdardy kádege jaratý qondyrǵysynyń fınaldyq absorbtsııalyq munarasy qaqpaǵynyń jergilikti deńgeıde germetıkalyǵy buzylyp, saldarynan gaz shyǵaryndylary bolǵany anyqtalǵan edi, — dep habarlady ShQO Ekologııa departamentinen.
Qazirgi ýaqytta mamandar aǵashtardyń jaı-kúıiniń ózgerý sebepterin qaıta anyqtap jatyr. Osy maqsattaǵy zertteý jumystaryna ǵylymı ortalyq qyzmetkerleri de tartylǵan.
Departamenttiń málimetine sáıkes, ónerkásip aımaǵyn komıssııalyq tekserý 28 mamyrǵa josparlanyp otyr.
— Tekserý jáne zertteý nátıjeleri boıynsha tıisti baǵa berilip, qoldanystaǵy zańnama aıasynda qajetti sharalar qabyldanady. Qorytyndy nátıjeler tekserý men zerthanalyq zertteýler aıaqtalǵannan keıin jarııalanady, — deıdi ekologter.
Eske salsaq, osyǵan deıin Astanada ekologııalyq standartqa saı emes júk kólikterin elge zańsyz ákelgen qylmystyq top áshkerelengeni habarlanǵan.
