Óskemende Olga Rypakovanyń júldesi úshin halyqaralyq týrnır ótedi
ÓSKEMEN. QazAqparat - 19 qańtar kúni Óskemen qalasynda Olımpıada chempıony Olga Rypakovanyń júldesi úshin jeńil atletıkadan halyqaralyq týrnır ótedi, dep habarlaıdy Olympic.kz.
Jarysqa 9 memlekettiń sportshylary qatysady. Naqtylap aıtsaq, Ýkraına, Grýzııa, Túrkııa, Belarýs, Armenııa, Ózbekstan, Tájikstan, Qyrǵyzstan jáne Qazaqstan sportshylary Rypakova júldesine talaspaq.
Atletter tómendegi sport túrler boıynsha synǵa túsedi:
1. 60, 400, 800 jáne 3000 metrge júgirý;
2. 60 metrge kedergiler arqyly júgirý;
3. Syryqpen sekirý
4. Bıiktikke sekirý
5. Uzyndyqqa sekirý
6. Úsh qarǵyp sekirý
7. Estafeta
Aıta keter jaıt, jarystyń negizgi bóligimen birge «Altaı» klýbynyń balalarǵa arnalǵan Athletics KIDS CUP týrnıri uıymdastyrylady.
