Óskemende oqýshy qyz kópirden sekirmek boldy
ÓSKEMEN. QazAqparat – Óskemende mektep oqýshysy Ertis kópirinen sekirmek boldy. Bul týraly QazAqparat Shyǵys Qazaqstan oblysynyń Polıtsııa departamentine silteme jasap habarlaıdy.
«Búgin tańerteń Óskemendegi Ertis kópirinen kámelettik jasqa tolmaǵan qyz sekirip ólmek boldy. Oqıǵa ornyna jetken polıtsııa aǵa serjanty Jasulan Bekbolatuly men leıtenant Azamat Ibraımov tótenshe jaǵdaı qyzmetkerlerimen birge kópirden sekirgeli turǵan 11-synyp oqýshysyna jaqyndap barǵan. Saqshylar qyzdy sózge tartpaq bolǵanymen, ol jarty saǵat boıy únsiz turǵan. Tótenshe jaǵdaı jáne polıtsıa qyzmetkerleri qorshaýdyń jan-jaǵynan taıana bastaǵan. Qutqarýshylardyń biri oǵan júgirip barǵan kezde polıtsııa qymetkeri ony ustap alǵan. Polıtsııanyń aǵa leıtenanty Jasulan Bekbolatuly men TJ qyzmetkeriniń birlesken kásibı-shuǵyl áreketiniń arqasynda qyz bala qutqaryldy», - deıdi Óskemen qalasynyń polıtsııa basqarmasynyń basshysy Dáýir Ibraev.
Oqıǵanyń mán-jaıy anyqtalýda. 16 jastaǵy qyzben psıholog mamandar sóılesti. Al polıtsııa qyzmetkerleri QR Qylmystyq kodeksiniń 105-babynyń 3-bóligi boıynsha sotqa deıingi tergeýdi bastady.
