Óskemende Naýryz meıramyna oraı 200-den astam shara ótkiziledi

ÓSKEMEN. KAZINFORM – Óskemen qalasynda Naýryz meıramyna oraı 200-den astam shara ótkizilmek.

Qala ákimdiginiń málimetine súıensek, 14 naýryzda «Ulttyq kıim kúni» chellendji bastalyp, 23 naýryzǵa deıin jalǵasady. Sondaı-aq osy kúni saǵat 19:00-de «Premier» karaoke klýbynda «OSKEMEN STARS» karaoke baıqaýy ótedi.

16 naýryz saǵat 10:00-de Jekpe-jek saraıynda qazaq kúresinen qalalyq týrnır bastalmaq. 17 naýryzda saǵat 13:00-de Komendantka aýdanynda «Nauryz FEST» jastar festıvali ótkizilmek.

«21 naýryz kúni saǵat 19:00-de Neke saraıynda «Naýryz vıktorınasy» zııatkerlik saıysy uıymdastyrylady. 22 naýryzda Respýblıka alańynda saǵat 10:00-14:00 aralyǵynda qala ónerpazdarynyń qatysýymen kontsert, «Baýyrsaq patı» saıysy ótedi. «Úzdik kıiz úı» baıqaýynyń jeńimpazdary marapattalady. Al keshki saǵat 19:00-22:00 aralyǵynda estrada juldyzdary kelip, kontsert qoıady», - delingen aqparatta.

Aıta keteıik, 22 naýryz kúni qala boıynsha tramvaı tegin qatynaıdy.