Óskemende «Mýzeı túni» ótti
ÓSKEMEN. QazAqparat – Óskemen qalasynda el Táýelsizdiginiń 30 jyldyǵyna oraı «Mýzeı túni» ótti, dep habarlaıdy QazAqparat tilshisi.
Shyǵys Qazaqstan Óner mýzeıinde «Mýzeı túni» bıyl onlaın formatta ótti. Sharanyń negizgi bóligi – «Alash asyldary» grafıkalyq portret baıqaýy boldy. Bul baıqaý Qazaqstan Táýelsizdiginiń 30 jyldyǵyna, Alash úkimetiniń kóshbasshysy, qoǵam qaıratkeri Álıhan Bókeıhannyń 155 jyldyǵyna arnalǵan.
Qysqa ýaqyt ishinde baıqaýǵa Óskemen, Semeı qalalary men Tarbaǵataı, Katonqaraǵaı aýdandarynan on jeti qatysýshy 30 portretti (akvarel, pastel, týsh, qaýyrsyn, gýash, aralas tehnıka) usyndy. Baıqaýǵa «Jańǵyrý» shyǵarmashylyq birlestiginiń jáne Qazaqstan Sýretshiler odaǵynyń músheleri qatysty.
«Kórmeden Alash qozǵalysynyń kóshbasshysy Álıhan Bókeıhan, dáriger Halel Dosmuhamedov, jazýshy Mirjaqyp Dýlatov, Maǵjan Jumabaev, Sáken Seıfýllın, Іlııas Jansúgirov, Júsipbek Aımaýytov, qazaq álipbıiniń negizin qalaýshy Ahmet Baıtursynov syndy birqatar Alash ardaqtylarynyń asyl beınesin ózgeshe qyrynan tanısyz. Kórme barysynda Qazaqstannyń halyq jazýshysy, aqyn Oljas Súleımenovtyń 85 jyldyq mereıtoıy da atalyp ótti. Jastar aqyn shyǵarmalaryn mánerlep oqydy, - deıdi Óner mýzeıiniń qyzmetkeri Tolqyn Tetepova.
