Óskemende muz aıdyndary ashyldy
ÓSKEMEN. QazAqparat – Óskemen qalasynda muz aıdyndary ashyldy, dep habarlaıdy QazAqparat tilshisi.
Shahar basshysy Jaqsylyq Omardyń aıtýynsha, konkı tepkisi kelgender Komsomol aralyna jáne «Samal» saıabaǵyna bara alady. Sondaı-aq búginnen bastap «Altaı» stadıonynda muz aıdyny ashylǵan.
«Óskemendikterge sanıtarlyq talaptardy saqtaý qajettigi jaıly eskertemiz. Muz aıdynynda mindetti túrde maska taǵyp júrý kerek. Sonymen qatar konkılerdi jalǵa beretin pýnktterge bir mezette kiretin adamdar sany shekteýli. Mysaly, Komsomol aralynda - 5 adam, al Altaıda - 10 adam», - dedi ákim.
Muz aıdyndary jumys kúnderi saǵat 11.00-den 23.00-ge deıin, demalys kúnderi 10.00-den 23.00-ge deıin ashyq bolady.
