Óskemende múmkindigi shekteýli balalarǵa arnalyp oıyn alańqaılary salynady

ASTANA. QazAqparat - Óskemende bıyl múmkindigi shekteýli balalarǵa arnap jasalǵan oıyn alańqaılary paıda bolady, dep jazady ShQO-nyń «Dıdar» gazeti.

Aımaq basshysynyń tapsyrmasyna sáıkes, oblys ortalyǵy men Semeı qalasyndaǵy oıyn alańqaılary múmkindigi shekteýli balalarǵa yńǵaıly etip ózgertiledi. Sonymen qatar, óńirimizdiń ózge aýdan-qalalarynda da dál osyndaı alańqaılar salynady.

- On eki múshesinde kemistigi bar balalardyń jaǵdaıyn nege oılamaımyz? Olar da ózge qurbylarymen sóılesip, oınaǵysy keledi. Alaıda, bizdiń qalalarda osy ýaqytqa deıin múmkindigi shekteýli balaqaılarǵa arnalyp jasalǵan alańdar joq. Biz osy olqylyqtyń ornyn toltyrýymyz kerek, - degen edi oblys ákimi Danıal Ahmetov turǵyndarmen esepti kezdesýinde.

Aıta keteıik, múmkindigi shektelgen balalar úshin kedergisiz orta qalyptastyrý máselesi oblys basshylyǵynyń jiti nazaryna alynǵan. «Búginde Óskemende tirek-qozǵalys apparaty, kórý, estý jáne sóıleý qabiletteri buzylǵan, biraq sana-sezimi qalypty balalarǵa arnalǵan pansıonat qurylysy júrgizilip jatyr», delingen habarlamada.