Óskemende monsha kesheni otqa orandy

ÓSKEMEN. QazAqparat – Óskemen qalasynda monsha kesheni órtendi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Ál-Farabı dańǵylynda ornalasqan monsha kesheninen órt shyqqan. Oqıǵa ornyna órt sóndirýshiler jedel kelip jetti.

«Sol sátte monsha keshenindegi eki bólmeni jalyn sharpyp jatty. Ot taǵy eki bólmeniń shatyryna jaıylǵan. Tilsiz jaý sharpyǵan jalpy aýdan 125 sharshy metrdi qurady. Abyroı bolǵanda, zardap shekken eshkim joq», - delingen aqparatta.

Qarańǵyda qutqarýshylarǵa yńǵaıly bolý úshin jaqyn mańǵa jaryq munarasy ornalastyryldy. Kóp uzamaı órt tolyqtaı aýyzdyqtaldy.

Aıta keteıik, qyzyl jalynmen kúreske barlyǵy 5 tehnıka men jeke quramnan 24 adam jumyldyrylǵan.