Óskemende monsha kesheni órtendi
ÓSKEMEN. QazAqparat – Óskemen qalasynda monsha kesheninen órt shyqty, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, tilsiz jaý 19 qyrkúıekte túngi ýaqytta Ótepov kóshesinde shyqqan.
«Oqıǵa ornyna órt sóndirýshiler shuǵyl kelip jetti. Ot eki qabatty monsha kesheniniń birinshi qabatyndaǵy bý bólmesiniń aǵash qurylymdaryn sharpyǵan. Qyzyl jalynnyń jalpy aýdany 30 sharshy metrdi qurady. Órtti aýyzdyqtaýǵa jeke quramnan 13 adam men 3 tehnıka jumyldyrylǵan», - dep habarlady vedomstvo ókilderi.
Tilsiz jaýdyń shyǵýyna – peshti ornatý jáne paıdalaný kezinde órt qaýipsizdigi talaptarynyń saqtalmaýy sebep bolǵan.
Esterińizge sala ketsek, keshe Shyǵys Qazaqstan oblysy Katonqaraǵaı aýdanynda naızaǵaıdan ormanda órt shyqqanyn habarlaǵan bolatynbyz.
