Óskemende metallýrgterdiń mádenıet saraıy qalpyna keltiriledi
Óskemen. 6 sáýir. QazAqparat - Óskemendegi eldi tartar nysandardyń biri Metallýrgterdiń mádenıet saraıy jańa keıipke enbek.
Bul týraly jaqynda oblys ákimi Berdibek Saparbaev habarlady.
Búgin qaıta qalpyna keltirý jumystarynyń aldynda mádenıet ordasynda sońǵy buqaralyq kontsert ótip jatyr. Ony «Týǵan el - altyn besigim» aktsııasynyń sheńberinde Densaýlyq saqtaý jáne Sáýlet basqarmalarynyń mamandary uıymdastyrdy.
Aıta ketken abzal, «áleýmettik klassıtsızm» túrindegi sáýlet eskertkishi uzaq jyldar boıy jeke menshikte edi.
Tek jaqyn arada kópke sozylǵan sot otyrystarynyń arqasynda nysan memlekettiń ıeligine ótti. Búginde mádenıet saraıynyń ahýaly máz emes. Sý ótkizý ári káriz júıelerin aýystyrý, shatyrdy jóndep, ishki árleý jumystaryn tyndyrý mindeti tur.
Oblystyq ákimdiktiń deregine súıensek, sáýir aıynyń sońynda MMS aınalasyndaǵy turǵyn úılerdiń qas beti ajarlana túspek.
Mádenıet saraıyndaǵy úıirmeler men stýdııalar qurylys jumysyna oraı birden jabylmaıdy. Balalar jazǵy demalystarǵa deıin ónerlerin shyńdaı alatyn bolady.
