Óskemende memleketke qaıtarylǵan aktıvter esebinen gematologııa ortalyǵy ashyldy
ASTANA. KAZINFORM — Búgin Shyǵys Qazaqstan oblysynyń Óskemen qalasynda gematologııa ortalyǵynyń saltanatty ashylý rásimi ótti.
Nysannyń qurylysy prokýratýra organdary qaıtarǵan qarajat esebinen aıaqtaldy.
Іs-sharaǵa Premer-mınıstrdiń birinshi orynbasary Nurlybek Nálibaev, Densaýlyq saqtaý mınıstri Aqmaral Álnazarova, oblys ákimi Nurymbet Saqtaǵanov, Bas prokýratýranyń Aktıvterdi qaıtarý jónindegi qyzmetiniń bastyǵy Nurdáýlet Súıindikov, sondaı-aq óńir turǵyndary qatysty.
Jalpy aýdany 38 myń sharshy metrbolatyn zamanaýı keshen 148 tósektik statsıonardan jáne 24 oryndyq pansıonattan turady.
Ortalyq óńirdiń 720 myńnan astam turǵynyna, al jekelegen baǵyttar boıynsha elimizdiń barlyq azamattaryna medıtsınalyq kómek kórsete alady.
Qan aýrýlary men onkologııalyq patologııalardyń aýyr túrlerine shaldyqqan patsıentter dıagnostıkadan bastap súıek kemigin transplantatsııalaý men ońaltýǵa deıingi joǵary tehnologııalyq em ala alady.
Aıta ketelik zańsyz aktıvterdi shyǵarý qaı salada jıi baıqalatyny týraly jazǵan edik.
