Óskemende memleketke 10 mlrd teńge zııan keltirgen qylmystyq top ustaldy

ÓSKEMEN. QazAqparat - Qarjy monıtorıngi agenttigi memleketke 10 mlrd teńge mólsherinde zalal keltirgen bir top adamdy ustady, dep habarlaıdy QazAqparat.

Qarjy monıtorıngi agenttigi aqshany zańsyz jylystatýǵa qarsy belsendi kúresti elimizdiń barlyq aýmaǵynda júrgizedi.

Agenttiktiń Shyǵys Qazaqstan oblysy boıynsha aýmaqtyq departamenti jalǵan shot-faktýralardy zańsyz jazyp berýmen aınalysatyn qylmystyq topqa qatysty qylmystyq isti aıaqtady.

Tergeý barysynda 6 adamnan turatyn top 2014-2018 jyldar aralyǵynda oblys aýmaǵynda zańsyz qyzmet atqarǵan 30 qolma-qol aqsha fırmasyn qurǵany anyqtaldy.

Fırmalarda qyzmetkerler shtaty da, múlki de, jınalmaly úı-jaılary da, óndiristik-tehnıkalyq bazasy da bolmaǵan jáne tirkeý orny boıynsha ornalaspaǵan.

Nomınaldy basshylardyń eshqaısysy qarjy-sharýashylyq qyzmetpen aınalyspaǵan. Fırmalarda býhgalterlik esep jáne salyq esebi júrgizilmegen.

Іs júzinde kásiporyndar salyq tóleýden jaltarý maqsatynda «Rıch Resýrs», «Tumar VKO», «Vos-Torg 1» kompanııalarymen taýarsyz shot-faktýralaryn, júkqujattaryn, sharttaryn zańsyz jazyp berý úshin paıdalanǵan.

Memleketke kelgen zalaldyń jalpy somasy - 10,8 mıllıard teńge.

Sot úkimimen top músheleri – Zakır Islamov, Maksım Aleksandrov, Olesıa Gaskova, Erbol Ýálıev, Erken Anýarov, Arman Madanov túrli jyldarǵa bas bostandyǵynan aıyryldy.