Óskemende maı zaýyty órtenip jatyr
ÓSKEMEN. QazAqparat - Óskemen qalasyndaǵy maı zaýyty órtenip jatyr, dep habarlaıdy QazAqparat tilshisi.
Qalalyq tótenshe jaǵdaılar bóliminiń habarlaýynsha, 30 qańtarda saǵat 11.10-da Stepnaıa kóshesindegi maı zaýytynyń aýmaǵynda órt shyqqan. Qazirgi ýaqytta sol jerge tilsiz jaýdy aýyzdyqtaýǵa 12 tehnıka men 50-den astam qutqarýshy tartylǵan. Aldyn ala málimetterge súıensek, dál qazirgi ýaqytta órttiń aýdany 200 sharshy metrdi quraıdy.
«Qyzyl jalyn 500 sharshy metr aýmaqty sharpydy. Tasymaldaýysh taspalar, qoıma shatyrlary janýda. Qosymsha kómek te kelip jetti. Qazir 60 qutqarýshy men 19 tehnıka sol jerde órt sóndirýde» - delingen vedomstvo málimetinde.
