Óskemende maı óndiretin jańa zaýyt ashyldy
ASTANA. KAZINFORM — Jobany júzege asyrý 2021 jyly bastaldy. Jalpy ınvestıtsııa kólemi 26 mıllıard teńgeden asty, onyń ishinde 2,5 mıllıard teńge jergilikti bıýdjetten bólindi, dep habarlaıdy AShM baspasóz qyzmeti
Óskemende Shyǵys Qazaqstan oblysyndaǵy maı ónerkásibi salasynda zamanaýı jáne eń joǵary tehnologııaly kásiporyndardyń biri sanalatyn ALTAI MAI tolyq tsıkldi maı ekstraktsııalyq zaýytynyń saltanatty ashylýy ótti.
Jańa keshen maıly daqyldardy óńdeýdiń shıkizatty qabyldaýdan bastap ony daıyndaý, ekstraktsııalaý, rafınatsııalaý jáne daıyn ónimdi qaptaýǵa deıingi barlyq kezeńderin qamtıdy.
— Kásiporynnyń óndiristik qýattylyǵy — táýligine 500 tonna kúnbaǵys dáni. Zaýyt ósimdik maılary, shrot jáne pelletter óndiredi, bul shıkizatty tıimdi paıdalaný men ishki jáne syrtqy naryqta suranysqa ıe ónim túrlerin keńeıtýge múmkindik beredi, — delingen mınıstrlik taratqan aqparatta.
Kompanııa ókilderi árbir shıkizat partııasy kópsatyly sapany baqylaýdan ótetinin, óndiriste ekologııalyq taza tehnologııalar engizilgenin, olar qorshaǵan ortaǵa áserdi azaıtyp, halyqaralyq standarttarǵa sáıkes keletinin aıtady.
Mundaı tásil daıyn ónimniń joǵary sapalylyǵyn jáne óndiristiń ekologııalyq qaýipsizdigin qamtamasyz etedi.
Budan buryn Óskemen armatýralyq zaýyty KQK qajettilikteri úshin jabdyqtar shyǵaratynyn jazǵan edik.