Óskemende massajdyń atyn jamylyp ıntımdik qyzmet kórsetkender anyqtaldy
Óskemen qalasynda massajdyń atyn jamylyp ıntımdik qyzmet kórsetkender jaýapqa tartyldy, dep habarlaıdy Kazinform.
Tártip saqshylary «dene massajyn jasaımyz» degen jeleýmen ıntım-qyzmetter kórsetý úshin úı-jaılar usynǵan 3 adamdy anyqtady. Osyndaı páterlerdiń birinde 20 men 38 jas aralyǵyndaǵy bes qyz bolǵan.
«Atalǵan úsh fakti boıynsha QR ÁQBtK-niń 450-babyna (Jezókshelikpen nemese jeńgetaılyqpen aınalysý úshin kórineý úı-jaılar berý) sáıkes ákimshilik hattamalar toltyryldy. Bul baptyń sanktsııasynda jeke jáne laýazymdy adamdarǵa júz aılyq eseptik kórsetkish mólsherinde (345 000 teńge) aıyppul salynady», - dep habarlady ShQO Polıtsııa departamentinen.
Jeńil júristi áıelder de nazardan tys qalmaı, QR ÁQBtK-niń 449-babymen (Qoǵamdyq oryndarda azǵyndaý) jaýapqa tartyldy. Olar bes AEK kóleminde (17 250 teńge) aıyppul tóleýge mindetteldi.
Jyl basynan beri osy bap boıynsha polıtseıler 177 adamdy jaýapqa tartqan.
View this post on Instagram
