Óskemende mas júrgizýshige kóligin bergen er adam 20 táýlikke qamaldy
ÓSKEMEN. QazAqparat – Óskemen qalasynda mas júrgizýshige kóligin bergen er adam 20 táýlikke qamaýǵa alyndy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, patrýldik polıtsııa batalonynyń tártip saqshylary mas kúıinde rýlge otyrǵan Mercedes Benz kóliginiń júrgizýshisin ustaǵan.
Tekserý kezinde kólik ishinde jeńil dárejedegi masań kúıde jolaýshy retinde avtokólik ıesi otyrǵany anyqtaldy. Ol buǵan deıin 3 jyl merzimge avtokólik quralyn basqarý quqyǵynan aıyrylǵan bolyp shyqty.
«Sot qaýlysymen avtokólik ıesi QR ÁQBtK-niń 608 baby 6 bóligimen kináli dep tanylyp, 20 táýlikke ákimshilik qamaýǵa alyndy. Al mas júrgizýshi 15 táýlikke temir torǵa jabylyp, 7 jyl merzimge avtokólik júrgizý quqyǵynan aıyryldy, - dedi ShQO Polıtsııa departamentiniń bastyǵy Saǵat Mádıev.
