Óskemende mas júrgizýshi minip ketken polıtsııa kóligi aýdarylyp qaldy
ASTANA. QazAqparat - 19 aqpan kúni Óskemen polıtsııasy mas avtokólik júrgizýshisin ustady. Ondaǵy jolaýshy tártip saqshylaryna qarsylyq kórsetken. Inspektorlar búlikshini sabasyna túsirip jatqanda, mas júrgizýshi patrýldi avtokólikti minip ketken jáne sol kólikpen aýdarylǵan, dep habarlady YK-avto.kz.
ShQO ІІD habarlaýynsha, keshe Ordjonıkıdze kóshesinde shetelik kólik jol boıyndaǵy qorshaýǵa soǵysyp, jol-kólik apaty ornynan qashyp ketti. Polıtsııa kamera arqyly iz kesip, quqyq buzýshynyń kóligin toqtatty jáne onyń júrgizýshisiniń shylqa mas ekenin anyqtady.
«Hyundai Accent» avtokóliginiń 36 jastaǵy júrgizýshisi alkogoldi ishimdikke masaıǵan kúıinde kólik júrgizgen, - dep habarlady mekemeniń baspasóz qyzmeti. - Kólikti toqtatqanda, ondaǵy jolaýshy tártip saqshylarynyń kıimine jarmasyp, balaǵat sózder aıtyp, qarsylyq tanytty. Polıtsııa qaharly jolaýshyny ustaýǵa tyrysty, al sol mezette mas júrgizýshi polıtsııa avtokóligin aıdap áketken. Er adam uzaqqa bara almady jáne Protozanov kóshesinde kólik aýdaryldy.
Glýbokovo aýdanynyń eki turǵynyna qatysty qylmystyq is qozǵaldy.
