Óskemende mas kúıinde kólik tizgindegen 24 jastaǵy jigit dúkenge soǵyldy
ÓSKEMEN. QazAqparat – Óskemen qalasynyń turǵyny júrgizýshi kýáligi bolmasa da mas kúıde kólik tizgindep, dúkenge soǵyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 19 qyrkúıekte túngi saǵat 01.00 shamasynda bolǵan.
VAZ avtokóligin tizgindegen 24 jastaǵy jigit jol apatyna ushyrady.
Rýldi basqara almaı qalǵan ol dúkenniń aldyna soǵylǵan. Narkolog dárigerdiń qorytyndysyna sáıkes, er adam jeńil dárejede mas bolǵan.
Sondaı-aq qala turǵynynyń júrgizýshi kýáligi de joq bolyp shyqty.
Jol apatynan eshkim zardap shekpedi.
Júrgizýshige qatysty QR ÁQBtK-niń 608-baby 6-bóligi boıynsha ákimshilik hattama toltyryldy.
Esterińizge sala ketsek, keshe Shyǵys Qazaqstan oblysy Kúrshim aýdanynda kólik aýdarylyp, 3 adam zardap shekkenin habarlaǵan bolatynbyz.
