Óskemende mas kúıde «Gazeldi» aıdap ketken er adam 2 kólikpen soqtyǵysty
ÓSKEMEN. QazAqparat – Óskemen qalasynda mas kúıde bótenniń «Gazelin» aıdap ketip polıtseılerden qashqan er adam jol apatyna tústi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 7 qyrkúıek kúni Abaı dańǵyly men Mıhaelıs kóshesiniń qıylysynda bolǵan. Alkogoldi ishimdik ishken 44 jastaǵy qala turǵyny bótenniń kóligin aıdap ketti.
«Gazel» kóliginiń júrgizýshisi polıtsııa qyzmetkerleriniń toqtatqanyna qaramaı, qasha jóneldi. Sonyń saldarynan ol Mercedes Benz jáne Iveco kólikterimen soqtyǵysqan. Jol apatynan zardap shekken eshkim joq», - delingen habarlamada.
Qazirgi ýaqytta tártip saqshylary atalǵan fakti boıynsha QR Qylmystyq Kodeksiniń 200-baby 1-bóligimen sotqa deıingi tergeý amaldaryn júrgizýde.
