Óskemende mas kúıde 3 kóliktiń soqtyǵysýyna sebepker bolǵan júrgizýshi sottaldy
ÓSKEMEN. QazAqparat – Óskemen qalalyq №2 soty mas kúıinde rólge otyryp, jol-kólik oqıǵasyna sebepker bolǵan er adamǵa qatysty úkim shyǵardy, dep habarlaıdy QazAqparat.
Jol apaty ótken jyldyń 3 qyrkúıeginde Ostrovskıı kóshesinde oryn alǵan. 1990 jylǵy jigit aşy sýdan urttap alyp, Lexus RX300 markaly avtokólikti tizgindegen. Anyqtalǵandaı, ol 2018 jyly kólik júrgizý quqyǵynan 3 jylǵa aıyrylǵan eken.
«Aıyptalýshy qarama-qarsy baǵytta kele jatqan «Toyota Hilux Surf» kóligimen soqtyǵysady. Osynyń saldarynan onyń artyndaǵy «Toyota Corona Premio» kóligi de jol apatyna tap bolǵan. Sot barysynda er adam kúni boıy ishimdik ishkendikten sol kezde qaıda bara jatqany da esinde bolmaǵanyn aıtty», - delingen sottyń baspasóz qyzmeti taratqan málimette.
Sot úkimimen sottalýshy úsh jylǵa kólik quralyn júrgizý quqyǵynan aıyrylyp, 126 250 teńge mólsherinde aıyppul tóleýge mindetteldi.
Aıta ketsek, ótken jyly Prezıdent mas júrgizýshilerdi qatań jazalaýdy tapsyrǵan bolatyn.
