Óskemende mas adam jasóspirimdi vıntovkamen atyp jaralady
ÓSKEMEN. QazAqparat - Óskemende mas erkek pnevmatıkalyq vıntovkamen 13 jasar balany atyp jiberdi, dep habarlaıdy, QazAqparat Óskemen qalasy polıtsııa basqarmasynyń baspasóz qyzmetine silteme jasap.
2019 jyldyń 3 sáýir kúni 18:36-da «102» telefonyna 35 jastaǵy áıel habarlasyp, 18:00 shamasynda úıdiń aýlasynda júrgen belgisiz bireýler buzaqylyq jasap, beımálim qarýmen 13 jastaǵy balasyn aıaǵynan atqanyn aıtqan.
Anyqtalǵandaı, bala synyptastarymen birge úıdiń aýlasynda oınap júrgen. Bir kezde tars etken dybysty estip, sol aıaq tabanynyń qaqsaǵanyn sezedi. Biraq balalar oqtyń qaıdan atylǵanyn bilmeı qalǵan. Ol kezde aýlada olardan basqa eshkim bolmaǵan.
Óskemen qalasy polıtsııa basqarmasy basshysynyń tapsyrmasymen aýdanda tintý júrgizildi.
Jedel sharalardyń arqasynda polıtseıler óz páterinde otyrǵan 68 jastaǵy qala turǵyny mas kúıinde ishki ister organdarynda tirkelmegen pnevmatıkalyq vıntovkadan oq atqanyn anyqtady.
Osy is boıynsha QR Qylmystyq kodeksiniń 293-baby, 3-bóligimen sotqa deıingi tergep-tekserý bastaldy.
