Óskemende mas adam polıtseıdi pyshaqtap ketti
ÓSKEMEN. QazAqparat - Óskemen kóshelerinde tártip kúzetip júrgen serjantty 61 jastaǵy adam pyshaqtap ketken, dep habarlaıdy QazAqparat tilshisi.
Oqıǵa 15 qańtar kúni keshki saǵat 19.30-da bolǵan. Aýlalardyń birinde sendelip kele jatqan beıtanys adamdy qoǵamdyq tártipti kúzetip júrgen polıtsııa ókilderi toqtatqan. Saqshylardyń tekserýine baǵynǵysy kelmegen 61 jastaǵy turǵyn 22 jastaǵy serjantqa kenet pyshaq siltese kerek. Abyroı bolǵanda pyshaq saqshynyń denesine boılap kirmegen. Alǵan jaraqatyna qaramastan ol qasyndaǵy áriptesimen birge mas adamdy oqıǵa ornynda tutqyndapty.
«Qylmysker ýaqytsha ustaý ızolıatoryna qamaldy. Onyń buǵan deıin sottalǵany anyqtalyp otyr. Endi ústinen polıtsııa ókiline kúsh kórsetkeni úshin QR Qylmystyq kodekisiniń 380-babynyń 2-tarmaǵy boıynsha tergeý júrip jatyr» - deıdi oblystyq polıtsııa departamentiniń baspasóz qyzmetiniń basshysy Áıgerim Nurǵazına.
