Óskemende marshrýttyq avtobýstardyń tarıfi ózgeredi
ÓSKEMEN. QazAqparat - Óskemende qala ishindegi avtobýstar jańa tarıfpen qyzmet etýi múmkin, dep habarlaıdy QazAqparat tilshisi.
Jolaýshylar tasymalyn basqarý ortalyǵy Óskemendegi marshrýttyq avtobýstardyń qozǵalysyn baǵytyn ońtaılandyrmaq. Ol úshin áýeli qala ishinde qatynaıtyn qoǵamdyq kólikterdiń qazirgi jumysyna taldaý jasalady.
«Qalamyz keńeıip, jańa turǵyn aýdandar paıda bolyp jatyr. Solardy qoǵamdyq kólik qyzmetimen qamtamasyz etý úshin búgingi júıeni ózgertý qajet. №19, 23 aýdandardyń turǵyndary avtobýstardyń keshigip keletini jaıynda jıi shaǵym aıtady. Basynda qoldanystaǵy marshrýttardyń aralyq jıiligin qysqartqanbyz. Odan nátıje bolmady. Mysaly, №60 marshrýt avtobýstarynyń aralyq jıiligi 4 mınýt, sonyń ózinde el syımaı jatady. Sondyqtan, qalanyń bir shetinen ekinshi basyna deıin qatynaıtyn marshrýttar ekige bólinetin bolady. ıAǵnı, adamdar avtobýs aýystyryp minedi degen sóz. Taǵy bir nusqa boıynsha alys qashyqtyqta qatynaıtyn avtobýstarda jol júrý quny qymbattaýy múmkin. Qaı joldyń bizge qolaıly ekenin anyqtaý úshin, konkýrs jarııalap, zertteý júrgizemiz», - deıdi ortalyq dırektory Ernar Mustafın. Onyń aıtýynsha, avtobýstarda jol júrý quny da ádiletsiz esepteledi.
«Bireý 2 aıaldama júrip, 90 teńge tólese, endi bir adam 10-nan astam aıaldama júrip te 90 teńge tóleıdi. Búgingi tarıftiń nege súıenip taǵaıyndalǵanyn túsindirýdiń ózi qıyn. Eýropada «Bus-kılometr» degen júıe bar. Ár jolaýshy júrgen jolynyń uzyndyǵyna saı aqy tóleýi kerek. Osy sııaqty birineshe tásildi qarastyryp jatyrmyz» - deıdi ol.
Aıta keteıik, Óskemende alǵashqy elektrobýs synaqtan ótýde.El arasynda «Elektrli avtobýstar jappaı jolǵa shyqsa, jol júrý aqysy eselep arzandaıdy eken» degen aqpar taraǵan bolatyn. Ernar Mustafın elektrobýs jappaı qoldanysqa ense de, alǵashqy birneshe jylda jol júrý baǵasy arzandamaıtynyn aıtady.
«Elektrobýsty paıdalanýdyń shyǵyny az bolǵanymen, óz baǵasy qymbat. Sondyqtan alǵashqy 4-5 jyl kóleminde onyń ıesine satyp alǵan aqshasyn aqtaý kerek bolady. ıAǵnı, bul aralyqta baǵa qazirgi 90 teńge kóleminde saqtalatyn bolady. Ázirge elektrobýstardyń bizdiń klımatqa qanshalyqty beıim ekeni belgisiz», - dedi Ernar Mustafın.
Foto: fotobus.msk.ru
