Óskemende makýlatýra qabyldaıtyn qoıma órtenip jatyr
ÓSKEMEN. QazAqparat – Óskemende makýlatýra qabyldaıtyn qoımada shyqqan órt sóndirildi, dep habarlaıdy QazAqparat tilshisi qalalyq TJB-ǵa silteme jasap.
TJB málimetinshe, makýlatýra qabyldaıtyn qoıma aýmaǵy eki saǵat boıy órtengen. Oqıǵa ornyna órt sóndirýshiler barǵan kezde shatyrdyń aǵash qurylymy, plastık ydystar, 30 tonna nyǵyzdalmaǵan jınalmaly makýlatýra janyp jatqan.
«Órt fronttyq tıegishke taraǵan. Qutqarýshylardyń jedel áreketiniń arqasynda 700 sharshy metrdi sharpyǵan órt 09:00-de aýyzdyqtaldy. Órtti sóndirýge 13 tehnıka men jeke quramnyń 48 adamy tartyldy. Eshkim zardap shekken joq», - dep túsindirdi TJB-dan.
Órttiń shyǵý sebebi anyqtalyp jatyr, mynadaı nusqalar qarastyrylýda: elektr qurylǵysynyń apattyq rejımi, elektr qurylǵysyn paıdalaný kezinde jáne montaj jasaǵanda órt qaýipsizdiginiń saqtalmaýy jáne ot jaǵý kezindegi salǵyrttyq.
Oral Erlanuly
