Óskemende lombard qyzmetkeri 12,5 mln teńge jymqyrǵan
ÓSKEMEN. QazAqparat – Óskemen qalasynda lombard qyzmetkeri 12,5 mln teńge jymqyrǵan, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Óskemendegi lombardtardyń biriniń dırektory polıtsııaǵa habarlasqan.
Óz sózinde ol jalǵan kepil bılet jasap kelgen lombard menedjeriniń kassadan 12 500 000 teńgeden astam aqshany jymqyrǵanyn jetkizdi.
«Jedel-izdestirý sharalaryn júrgizgen polıtsııa qyzmetkerleri kúdiktini qolǵa túsirdi. Jaýap alý kezinde áıel adam óz kinásin moıyndaǵan. JShS-niń 37 jastaǵy menedjeri aqshadan qysylǵandyqtan osyndaı qadamǵa barǵanyn aıtty», - dep habarlady vedomstvo ókilderi.
Qazirgi ýaqytta oǵan qatysty QR QK-niń 189-baby 4-bóligi (asa iri mólsherde senip tapsyrylǵan bótenniń múlkin ıemdený nemese talan-tarajǵa salý) sotqa deıingi tergeý amaldary júrgizilip jatyr.
