Óskemende latyn qarpinde jazýdan jarys ótedi

ÓSKEMEN. QazAqparat - Naýryz merekesi kúni Óskemende latyn qarpinde jazýdan jarys ótedi. Bas júlde - qazaqtyń qara dombyrasy, dep habarlaıdy QazAqparat tilshisi.

22 naýryz kúni Óskemen qalasynda «Latyn grafıkasy - órkenıet jazýy» atty aktsııa ótpek. Ony oblystyq tilderdi damytý basqarmasy men oblystyq drama teatry  uıymdastyryp otyr.

«Rýhanı jańǵyrý» baǵdarlamasy aıasynda ótkiziletin sharanyń maqsaty - latyn grafıkasyndaǵy jańa álipbıdiń mán-mańyzyn kópshilikke tanystyrý, turǵyndardyń jańa álipbıge qyzyǵýshylyǵyn arttyrý. Aktsııada jańa álipbı negizinde jazý daǵdysyn qalyptastyrýǵa arnalǵan birneshe kezeńnen turatyn oıyndar uıymdastyrylady. Jeńimpazdar túrli syılyqtarmen marapattalady. Bas júlde - qazaqtyń qara dombyrasy», - deıdi sharany uıymdastyrýshy akter Edige Aqylbekov.