Óskemende qyzymen ursysyp qalǵan jigit kóliktiń astyna tústi
ASTANA. QazAqparat - Óskemen qalasynda qyzymen ursysyp qalǵan jigit kóliktiń astyna túsip, ómirmen qosh aıtyspaq bolǵan. Bul týraly QazAqparat YK-avto.kz saıtyna silteme jasap habarlaıdy.
Óskemen qalalyq ІІB-niń málimetinshe oqıǵa 21 jeltoqsan kúni tańerteńgi 10:18-de Oktıabrskıı kóshesinde bolǵan.
1999 jyly týǵan bozbala qyzymen birge serýendep júrgen. Osy kezde ekeýi sózge kelispeı qalyp, jas jigit ózine qol salatynyn aıtyp, qorqytqan. Sodan soń ol ótip bara jatqan «Lexus» kóliginiń aldynan atyp shyqqan.
«Zardap shegýshiniń mıy shaıqalǵan, basynan jaraqat alǵan. Qazir aýrýhanada», -dep habarlaıdy ІІB baspasóz qyzmeti. Polıtseılerdiń aıtýynsha, kólik apatyna jaıaý júrginshi kináli dep tanylyp, oǵan aıyppul salyndy.
