Óskemende kúıeýin pyshaqtap óltirgen áıel 8 jylǵa sottaldy

ÓSKEMEN. KAZINFORM — Óskemende kúıeýine 6 ret pyshaq suǵyp óltirgen áıelge qatysty sot úkimi shyqty. 

Shyǵys Qazaqstan oblysynyń qylmystyq ister jónindegi mamandandyrylǵan aýdanaralyq sotynyń málimetinshe, sol kúni erli-zaıyptylar úıde birge ishimdik ishken.

Ekeýiniń arasynda janjal shyǵyp, áıeli kúıeýine pyshaq ala júgirgen. Sýyq qarýdy onyń keýde tusyna, arqasyna barlyǵy 6 ret suǵyp alǵan. Er adam sol jerde kóz jumdy. Áıel polıtsııaǵa ózi habar bergen.

— Sot barysynda aıyptalýshy kúıeýiniń ákesine qatysty aýyr sózder aıtqanyn jetkizdi. Óz kinásin tolyqtaı moıyndap, istegen isine ókinetinin aıtty. Sot sheshimimen sottalýshy 8 jylǵa bas bostandyǵynan aıyryldy, — delingen aqparatta.

Úkim áli zańdy kúshine engen joq.

Eske salsaq, osyǵan deıin ırandyq áıel 11 kúıeýin ýlap óltirgeni habarlanǵan.