Óskemende qutqarýshylar sý basqan saıajaı aýmaǵyna baqylaý júrgizip jatyr
ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar men jergilikti atqarýshy organ ókilderi sý basqan «Solnechnaıa dolına» saıajaı qaýymdastyǵyndaǵy jaǵdaıdy baqylaýdy jalǵastyrýda.
26 naýryzda departament mamandary men Óskemen qalalyq ákimdiginiń qyzmetkerleri jol talǵamaıtyn kólikpen saıajaı aýmaǵyn aralap shyqty.
Komıssııanyń sheshimi boıynsha Ablaketka ózeninde muz jarý jumysyn júrgizýdiń qajeti joq.
Qazirgi ýaqytta atalǵan ózendegi sý deńgeıi 282 sm quraıdy. Al shekti deńgeı – 420 sm.
«Jaǵdaı qalypty. Dese de qardyń erýine baılanysty ózen sýy keı jerlerde jaǵadan shyǵyp ketip jatyr. Jergilikti atqarýshy organdar men TJD qutqarýshylary táýlik boıy baqylaý júrgizýde» delingen habarlamada
Esterińizge sala ketsek, osyǵan deıin Óskemende 31 úıdi sý basqanyn habarlaǵan bolatynbyz.