Óskemende kún saıyn ystyq ótken 1-2 balaǵa jedel járdem qyzmetkerleri kómekke barýda

ÓSKEMEN. QazAqparat – Óskemen qalasynda kún saıyn ystyq ótken 1-2 balaǵa jedel járdem qyzmetkerleri kómekke barýda, dep habarlaıdy QazAqparat tilshisi.

Sońǵy kúnderi Shyǵys Qazaqstan oblysynda aptap ystyq baıqalyp otyr. Aýa temperatýrasy kúrt ysyp, synap baǵanasy 41 gradýsqa deıin kóterildi.

ShQO densaýlyq saqtaý basqarmasynyń málimetine súıensek, osy aptanyń basynan beri Óskemende birneshe bala ystyqtan zardap shekken. Al eresekter arasynan dáriger kómegine eshkim júginbedi.

«Qazir qala boıynsha kún saıyn ystyq ótken 1-2 balanyń ata-anasy jedel járdem shaqyrýda. Al aýdandardaǵy jaǵdaı turaqty. Ystyq aýa raıynda bas kıimsiz kóshege shyqpańyz. Múmkindiginshe, saǵat 12:00-den 17:00-ge deıin kún astynda júrý ýaqytyn shekteńiz. Kóshege shyǵarda ashyq tústi kıimderdi tańdańyz. Jıi sý iship júrińiz», - deıdi oblystyqjedel járdem stantsııasy bas dárigeriniń orynbasary Gúlnár Kekimanova.

Eske salsaq, osyǵan deıin ShQO qutqarýshylarynyń aptap ystyqqa baılanysty sý aıdyndarynda baqylaýdy kúsheıtkenin habarlaǵan edik.