Óskemende qudyq ishinen er adamnyń denesi tabyldy

ÓSKEMEN. QazAqparat – Óskemen qalasynda qudyq ishinen er adamnyń máıiti tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, «102» jedel arnasyna belgisiz er adamnyń denesi tabylǵany týraly habar túsken.

«Polıtsııa qyzmetkerleri birden oqıǵa ornyna kelip jetti. Máıit Nazarbaev dańǵyly boıynda «Adem» aıaldamasy mańyndaǵy kommýnaldyq qudyqtardyń birinen tabylǵan. Qazirgi ýaqytta marqumnyń kim ekeni anyqtalyp jatyr. Ázirge onyń naqty neden ólgeni belgisiz. Saraptama jumystary taǵaıyndalǵan», - delingen aqparatta.

Tártip saqshylary atalǵan fakti boıynsha sotqa deıingi tergeý amaldaryn júrgizip jatyr.

Ózge aqparat QR Qylmystyq is júrgizý kodeksiniń 201-babyna sáıkes jarııa etilýge jatpaıdy.

Eske salsaq, osyǵan deıin Óskemende Úlbi ózeniniń jaǵasynan jas jigittiń máıiti tabylǵany habarlanǵan.