Óskemende kúdikti sómke tabylyp, jol jabyldy
ASTANA. QazAqparat - Keshe keshkisin Shyǵys Qazaqstan oblysynyń ortalyǵynda Táýelsizdik dańǵylynyń ýchaskesi jabyldy, dep habarlaıdy YK-news.kz.
Keshke qaraı Táýelsizdik dańǵylynyń boıynda salynyp jatqa jerasty júrginshiler ótkelinen Ýshanov alańyna deıingi bólikte kólik qozǵalysy shekteldi. Kýágerlerdiń aıtýynsha, alańǵa qaraı bet alǵan avtobýstar Ǵarysh kóshesimen aınalýǵa májbúr bolǵan.
Joldyń bul bóligin polıtseıler bir saǵat boıy qorshaýǵa alǵan.
«Polıtseılerge ıesiz jatqan sómke týraly qyraǵy qala turǵyny habarlasty. Sol jerde bizdiń mamandar jumys istedi. Sómkeden qaýipti eshteńe tabylǵan joq», - dep habarlady ShQO ІІD baspasóz qyzmetinen.
