Óskemende QR Prezıdentiniń júldesi úshin V halyq sporty oıyndary ótip jatyr
ASTANA. QazAqparat - 10-14 qyrkúıek aralyǵynda Óskemende QR Prezıdenti júldesine V halyq sporty oıyndary ótip jatyr. Jarysta Qazaqstannyń barlyq aımaqtarynan kelgen sportshylar 9 sport túrinen 51 júlde jıyntyǵyn sarapqa salýda.
Halyq oıyndarynyń alǵashqy kúnderinde Astana quramasy óz qorjynyn aıtarlyqtaı toltyryp jatyr. Úsh sport túrinen saıystar aıaqtaldy. Armrestlıngte elorda quramasy úsh kúmis júlde ıelenip, jalpykomandalyq esepte úshinshi oryn aldy. 70 kg salmaq dárejesinde Zaır Ahmedov, 100 kg deıingi salmaqta Georgıı Dzeranov jáne 100 kg artyq salmaqta Igor Kýzmın ekinshi orynǵa turaqtady. Aldaǵy ýaqytta sportshylar Lıtvada ótetin álem chempıonatyna qatysady. Qazaq kúresinen de palýandarymyz qur qol kelgen joq. Eki qyzymyz Álııa Jylqybaeva (+75 kg) men Alena Lıtvınenko (+75 kg) kúmis júlde aldy, erler arasynda Talǵat Shegenov (60 kg) pen absolıýtti salmaq dárejesinde Ǵanı Seıdildaev qolany qanaǵat tutty. Bul sport túrinen elordalyqtar komandalyq esepte jetinshi orynǵa ornalasty. Alaıda asyq atýdan sportshylarymyz básekelesterine ese jiberdi. Kir tasyn kóterýden Astana quramasy úsh júlde men jalpykomandalyq tórtinshi oryndy ıelendi. 85 kg salmaqta erekshe kózge túsken Rınat Gılmýtdınov altyn medalmen marapattalsa, Ádilbek Áshimov pen Jomart Tleýshev sáıkesinshe 68 jáne 73 kg salmaq dárejesinde qola júldeger atandy. Jaqynda ústel tennısinen jeńimpazdar men júldegerler anyqtalady. Voleıbol, shaǵyn fýtbol, toǵyzqumalaq pen prezıdenttik kópsaıystan da jarystar ótedi. Halyq oıyndary 14 qyrkúıekte saltanatty túrde jabylady, dep habarlanǵan elorda ákimdiginiń resmı saıtynda.
