Óskemende QR ІІM zeınetkeri órtengen úıden adamdy qutqardy
ÓSKEMEN. QazAqparat – Óskemende zeınetker órt shyqqan jer úıden 71 jastaǵy qarııany qutqaryp qaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirý qyzmetine shahar kósheleriniń birindegi jeke turǵyn úıde órt shyqqany týraly habar túsken. Órt sóndirýshiler oqıǵa ornyna shuǵyl jetti. Anyqtalǵandaı, qyzyl jalyn úıdiń qabyrǵasy men dıvandy, jalpy 7 sharshy metr aýmaqty sharpyǵan.
«Qutqarýshylar kelgenge deıin Alǵashqy áskerı daıyndyq pániniń oqytýshysy, QR ІІM zeınetkeri Nurbek Tokýshev otqa oranǵan úıden mas kúıdegi 1950 jyly týǵan er adamdy alyp shyqqan. Apattar medıtsınasy ortalyǵynyń qyzmetkerleri zardap shegýshini qarap shyqty. Aýrýhanaǵa jatqyzýdyń qajeti bolmady, onyń ómirine eshqandaı qaýip tónip turǵan joq», - delingen habarlamada.
Aldyn ala málimet boıynsha, órttiń shyǵýyna otty abaısyz paıdalaný sebep bolýy múmkin.
