Óskemende kóz jumǵan áıel páterinde bir apta jatyp qalǵan
ASTANA. QazAqparat - 69 jastaǵy zeınetkerdiń páterinen shyqpaı qalǵandyǵyn alǵashqylardyń biri bolyp kórshileri baıqap, polıtsııaǵa habar bergen, dep jazady YK-news.kz.
«Shyǵys Qazaqstan oblysynyń ІІD-ne Qazaqstan kóshesinde ornalasqan kóp páterli úı turǵyndarynan habar kelip túsken. Olar kórshi áıeldiń apta boıy syrtqa shyqpaǵandyǵyn habarlady. Polıtsııa qyzmetkerleri qutqarý brıgadasymen birlesip, páterdiń esigin buzyp ashty. Páterden 1948 jyly týǵan áıeldiń óli denesi tabyldy», - dedi ІІD-niń baspasóz qyzmetiniń jetekshisi Baqytjan Torǵaev.
Qazirgi kezde zeınetkerdiń neden kóz jumǵany anyqtalý ústinde. Aldyn ala tekserý nátıjesine sáıkes, áıeldiń máıitinen zorlyq belgileri anyqtalǵan joq.
