Óskemende kóterme-taratý ortalyǵy salynady
ShQO ákimi Danıal Ahmetov Óskemendegi Jibek matalar kombınaty yqshamaýdanynda kóterme-taratý ortalyǵyn salý máselesi boıynsha kásipkerlik jáne sáýlet basqarmalarynyń basshylarymen kezdesý ótkizdi.
«Bul oryn kezdeısoq tańdalǵan joq. Munda Almaty men Semeıge shyǵatyn aınalma joldar bar. Úlken júk kólikteri qoımalar men júkterdi saqtaý aımaǵy ornalasqan ortalyqqa týra kelip kire alatyn bolady. Uzaq sapardan kelgen júrgizýshiler úshin de qajettiliktiń bári qamtylady. Olar endi jolda kólikterine túneýge májbúr bolmaıdy. Sondaı-aq bul tóńirekti polıtsııa kúzetedi. Qonaq úı salynyp, arnaıy kúzet júıesi jumys isteıtin bolady», - dedi aımaq basshysy.
Jańa ortalyqta barlyq qajetti qujattardy rásimdeýge, saraptama júrgizýge jáne sapa sertıfıkattaryn alyp, túrli zań rásimderinen ótýge bolady.
«Eń aldymen júkti arnaıy saqtaý aımaǵyna kirgizbeı-aq, qoıma arqyly tikeleı qabyldaý jáne jóneltý protsesin atqaratyn kross-doktar salý kerek. Bul kásipkerler úshin óte mańyzdy, olar bul oryndardy jalǵa ala alady. Ekinshi kezekte tikeleı satyp alýǵa bolatyn saýda pavılondaryn salý qajet. Munda aımaq turǵyndary taýarlardy deldaldarsyz jáne alypsatarlarsyz arzan baǵamen satyp alady. Bul basqa naryqtardy ónim qunyn tómendetýge yntalandyratyn bolady. ıAǵnı, eshkim baǵany negizsiz kótere almaıdy», - dedi Danıal Ahmetov.
Onyń aıtýynsha, ortalyq tek saýda-sattyq orny ǵana bolmaıdy. Onda dámhana, kınoteatr salý josparlanǵan.
