Óskemende kóshedegi ıtti baýyzdaǵan er adam ustaldy

ÓSKEMEN. KAZINFORM – Óskemen qalasyndaǵy saıajaılardyń birinde ıtti baýyzdaǵan er adamǵa qatysty qylmystyq is qozǵaldy.

Oqıǵanyń kýágerleri aýyr jaǵdaıdaǵy ıtti veterınarlyq klınıkaǵa jetkizgen. Ittiń bes kúshigi bar ekendigi belgili boldy. Olardy qazir qala turǵyndarynyń biri asyrap alǵan.

Turǵyndar polıtsııa shaqyryp, er adam ustaldy.

- QR Qylmystyq Kodeksiniń 316-babyna sáıkes qylmystyq is qozǵady. Kúdikti polıtsııa bólimshesine jetkizildi. Itke veterınarlyq qyzmetkerler qajetti kómekti kórsetip jatyr, - dep habarlady ShQO Polıtsııa departamentiniń baspasóz qyzmetinen.

Aıta keteıik, zań boıynsha janýarlarǵa qatygezdik tanytqandarǵa 120 AEK-ke (479 040 teńge) deıingi mólsherde aıyppul salynyp, ne sol mólsherde túzeý jumystaryna tartylyp, ne bolmasa 30 kúnge qamaýǵa alý jazasy taǵaıyndalady.

Eske salsaq, osyǵan deıin Óskemende bir aptada 9 adamdy ıt qapqany jaıly jazǵanbyz.